Bg 18.38

விஷயேந்த்ரிய ஸம்யோகாத்
யத் தத் அக்ரே (அ)ம்ருதோபமம்
பரிணாமே விஷம் இவ
தத் ஸுகம் ராஜஸம் ஸ்ம்ருதம்
Synonyms: 
விஷய — புலன் விஷயங்கள்; இந்த்ரிய — மற்றும் புலன்களின்; ஸம்யோகாத் — சேர்க்கையினால்; யத் — எந்த; தத் — அந்த; அக்ரே — ஆரம்பத்தில்; அம்ருத-உபமம் — அமிர்தத்தைப் போன்று; பரிணாமே — இறுதியில்; விஷம் இவ — விஷத்தைப் போன்று; தத் — அந்த; ஸுகம் — சுகம்; ராஜஸம் — ரஜோ குணத்தில்; ஸ்ம்ருதம் — கருதப்படுகின்றது.
Translation: 
எந்த சுகம், புலன்களும் புலனின்பப் பொருள்களும் தொடர்பு கொள்வதால் அடையப்படுகின்றதோ, ஆரம்பத்தில் அமிர்தம் போன்று தோன்றினாலும் இறுதியில் விஷமாகிவிடுகின்றதோ, அந்த சுகம், ரஜோ குணத்தின் தன்மையைக் கொண்டதாகக் கூறப்படுகின்றது.
Purport: 

ஓர் இளைஞன் ஓர் இளம்பெண்ணைச் சந்திக்கும்போது, அவனது புலன்கள் அவளைக் காண்பதற்கும் தொடுவதற்கும் உடலுறவு கொள்வதற்கும் அவனைத் தூண்டுகின்றன. ஆரம்பத்தில் இது புலன்களுக்கு மிகுந்த மகிழ்ச்சியைக் கொடுப்பதாக இருக்கலாம், ஆனால் இறுதியில், அல்லது சில காலத்திற்குப் பின், விஷத்தைப் போன்றதாகி விடுகிறது. அவர்கள் பிரிகின்றனர் அல்லது விவாகரத்து ஏற்படுகின்றது, ஏக்கம், கவலை மற்றும் பல, இத்தகு சுகம் எப்பொழுதும் ரஜோ குணத்தைச் சார்ந்ததாகும். புலன்களும் புலனின்ப பொருள்களும் இணைவதால் பெறப்படும் சுகம் எப்போதும் துன்பத்திற்கே காரணமாக அமைகின்றது. எல்லா வழிகளிலும் இதனைத் தவிர்க்க வேண்டும்.