Bg 17.11

அபலாகாங்க்ஷிபிர் யக்ஞோ
விதி–திஷ்டோ ய இஜ்யதே
யஷ்டவ்யம் ஏவேதி மன:
ஸமாதாய ஸ ஸாத்த்விக:
Synonyms: 
அபலா-காங்க்ஷிபி: — பலனுக்கான ஆசையிலிருந்து விடுபட்டவர்களால்; யக்ஞ: — யாகம்; விதி–திஷ்ட: — சாஸ்திர விதிகளின்படி; ய: — எந்த; இஜ்யதே — செய்யப்படுகின்றதோ; இதி — இவ்வாறு; மன: — மனம்; ஸமாதாய — நிலைநிறுத்தப்பட்டு; ஸ: — அது; ஸாத்த்விக: — ஸத்வ குணத்தில்.
Translation: 
சாஸ்திர விதிகளின்படி, கடமையை நிறைவேற்றுவதற்காக, பலனை எதிர்பார்க்காத நபர்களால் செய்யப்படும் யாகம், ஸத்வ குணத்தைச் சார்ந்ததாகும்.
Purport: 

மனதில் ஏதேனும் ஒரு நோக்கத்துடன் யாகம் செய்வது பொதுவான தன்மையாகும். ஆனால் அத்தகு ஆசைகள் ஏதுமின்றி யாகம் செய்யப்பட வேண்டும் என்று இங்கு கூறப்பட்டுள்ளது. அது கடமையை நிறைவேற்றுவதற்காகச் செய்யப்பட வேண்டும். கோவில்களிலோ தேவாலயங்களிலோ செய்யப்படும் சடங்குகளை உதாரணமாக எடுத்துக் கொள்வோம். ஆவை பெரும்பாலும் ஏதேனம் ஒரு பெளதீக இலாபத்தை நோக்கமாகக் கொண்டு செய்யப்படுகின்றன, எனவே அது ஸத்வ குணத்தில் செய்யப்படுவது அல்ல. ஒருவன் தன்னுடைய கடமையின் பொருட்டு கோவிலுக்கோ தேவாலயத்திற்கோ செல்ல வேண்டும், பரம புருஷ பகவானுக்கு மரியாதை செலுத்த வேண்டும், எந்தவொரு பெளதீக நன்மையும் எதிர்பார்க்காமல் மலர்களையும் உணவுப் பொருள்களையும் அர்பணிக்க வேண்டும். கடவுளை வழிபடுவதற்காக மட்டும் கோவிலுக்குச் செல்வதில் எந்தப் பலனும் இல்லை என்று ஒவ்வொருவரும் நினைக்கின்றனர். ஆனால் கடவுளை பொருளாதார நன்மைக்காக வழிபடுவதை சாஸ்திர விதிகள் பரிந்துரைப்பதில்லை. விக்ரஹத்திற்கு மரியாதை செலுத்தவதற்காக மட்டுமே அங்குச் செல்ல வேண்டும். இஃது அவனை ஸத்வ குணத்தில் வைக்கும். சாஸ்திர விதிகளுக்குக் கீழ்ப்படிவதும் பரம புருஷ பகவானிடம் மரியாதை செலுத்தவதும் ஒவ்வொரு நாகரிக மனிதனின் கடமையாகும்.